Падчас Міжнароднай кніжнай выставы ў Лейпцыгу (Германія), якая пройдзе з 14 да 17 сакавіка, кнігарня «логвінаЎ» будзе прадстаўлена асобыным стэндам — Е504 «кнігарня логвінаЎ-Books from Belarus» (Хол №4). Вул. Messe Allee, 1. На прэс-стэндзе Е505 OstSüdOst адбудуцца дыскусіі і сустрэчы з беларускімі літаратарамі.
Расклад выступаў:
14 сакавіка
Пра стан сучаснай беларускай прозы распавядзе арт-дырэктар кнігарні «логвінаЎ» Павал Касцюкевіч. Пачатак а 14.
У дыскусіі, прысвечаным фемінізму ва Усходняй Еўропе, возьме Таццяна Заміроўская. Пачатак а 16.
15 сакавіка
У дыскусіі «У пошуках ідэнтычнасці» з украінцам Міколам Рабчуком і Аднай Ротэнберг возьме ўдзел Валянцін Акудовіч. У дадатак сп. Валянцін прадставіць нямецкі пераклад сваёй кнігі «Код адсутнасці». Пачатак а 13.
У дыскусіі «Тэатральны ландшафт» разам са сваімі ўкраінскімі і польскімі калегамі возьме ўдзел драматург Андрэй Курэйчык. Пачатак а 14.
У дыскусіі, прысвечанай авангарду, возьме ўдзел Артур Клінаў. Пачатак 15.
У сустрэчы «Беларусь у фокусе» возьмуць удзел Віктар Марціновіч і Вальжына Морт, якая прадставіць нямецкія пераклады. Пачатак а 16.
16 сакавіка
На літаратурнай сустрэчы «Гарызонты Еўропы» разам з Сяргеем Жаданом і Джоанай Батор возьме ўдзел Уладзімір Арлоў. Пачатак 13.
На літаратурнай сустрэчы «Планета Лірыка» разам Астапам Слывынскім возьме ўдзел Вальжына Морт. Пачатак а 14.
Адкрываць беларускія выступы 14 сакавіка будзе фотавыстава Андрэя Лянкевіча «Схаваная Беларусь». Пачатак у 14-30.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары