Храм у гонар новамучанікаў будзе створаны ў крыпце праваслаўнага сабора ў горадзе Мазыр Гомельскай вобласці. У 1937 годзе там знаходзілася турма НКВД.
Паводле словаў прадстаўніка Тураўскага епархіяльнага ўпраўлення Васіля Чарнякова, за час яе існавання былі расстраляны і закатаваны больш за 2 тысячы чалавек. Спісы забітых зараз знаходзяцца ў архіве ўпраўлення КДБ па Гомельскай вобласці.
Плануецца, што ў храме будуць усталяваныя каля 2 тысяч мармуровых шыльдаў з імёнамі ахвяраў бальшавіцкіх рэпрэсій. Чарнякоў таксама пацвердзіў, што ў архіве беларускіх спецслужб маецца карта, на якой пазначаныя месцы расстрэлаў у Беларусі энкавэдыстамі людзей, паведамляе БелаПАН.
«Еўрарадыё» датэлефанавалася да мазырскага каардынатара аргкамітэту па стварэнні партыі «Беларуская Хрысціянская Дэмакратыя» Паўла Наздры. Ён кажа, што бачыў гэтую мапу:
«Я бачыў гэтую мапу. Але ж там была выбарка па нашым Мазырскім рэгіёне. З усіх месцаў зараз адзначаная памятным знакам толькі дарога на вёску Міхалкаўская Рудня. Сабор Міхалкаўскі на гэтых мапах зусім не пазначаны».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі82
Каментары