Тры абзацы ад уніяцкага святара.
Некаторыя мяркуюць, што слова «Царква» азначае будынак. Часамі так, але перадусім пад словам «Царква» належыць разумець супольнасць хрысціян. Ісус Хрыстос заснаваў Царкву, якая апісаная наступным чынам у Сімвале Веры: Веру… у адзіную, святую, паўсюдную і апостальскую Царкву.
Таму моцна памыляюцца тыя, якія гавораць, што ёсць «польская» ды «руская» вера, стасуючы гэтыя прыметнікі да веры хрысціян. Сапраўднае хрысціянства – наднацыянальная рэлігія. Яно сцвярджае роўнасць усіх нацыяў перад Богам у адной Царкве, а як вынік, шануе нацыянальную адметнасць кожнага народа.
Царква – арганізм «богачалавечы». У ёй дзейнічаюць два чыннікі: божы і чалавечы. Гэтае сцверджанне тлумачыць той факт, што ў супольнасці хрысціян не ўсё ідэальна. Менавіта грэшныя людзі пакліканыя да Царквы. А Хрыстос-Лекар у ёй падае ім лекі на іх праблемы ды іх грэх.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»24
Каментары