11 кастрычніка ў судзе Заводскага раёна Мінска пачаўся разгляд крымінальнай справы ў дачыненні да Дзмітрыя Галеева, у крымінальных колах вядомага як злодзей у законе па мянушцы Галей.
Па хадайніцтве боку абвінавачання суд праняў рашэнне праводзіць працэс у закрытым рэжыме. Такое рашэнне прынятае для абароны інтарэсаў сведак, персоны якіх легендаваныя (змененыя іх імёны, прозвішчы, месцы пражыванні і г.д.). Сам Дзмітрый Галееў і яго адвакат выказаліся супраць такога рашэння суда.
Справа ў дачыненні да 38-гадовага ўраджэнца вёскі Станькава Дзяржынскага раёна Мінскай вобласці расследавалася следчым падраздзяленнем цэнтральнага апарата Следчага камітэта.
Галееў абвінавачваецца ва ўчыненні ў 2003 годзе злачынства, прадугледжанага ч. 3 арт. 208 КК (вымаганне ў складзе арганізаванай злачыннай групы). Галееў і яго хаўруснікі, пагражаючы жыхару Жодзіна, патрабавалі ў яго 18 тысяч долараў. Трое вымагальнікаў былі затрыманыя, а Галееў і Віталь Пухнарэвіч хаваліся за мяжой. Пухнарэвіч дагэтуль знаходзіцца ў міжнародным вышуку.
У 2005 годзе Галееў быў аб'яўлены ў міжнародны вышук. Аднак гэта не перашкодзіла яму перабрацца ў Расію і нават атрымаць грамадзянства гэтай краіны. Аднак хутка праваахоўныя органы Самарскай вобласці арыштавалі Галеева за незаконна атрыманы пашпарт грамадзяніна РФ. Адвакаты злодзея ў законе дабіліся разгляду справы свайго кліента Еўрапейскім судом па правах чалавека. У 2010 годзе ЕСПЧ прыняў рашэнне, што злодзея ў законе арыштавалі незаконна. Расія адпусціла Галеева, і ён паехаў у Швецыю.
Дзмітрый Галееў быў дэпартаваны са Швецыі за парушэнне міграцыйнага заканадаўства 26 сакавіка гэтага года. У той жа дзень крымінальны аўтарытэт быў арыштаваны ў Нацыянальным аэрапорце Мінск.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі64
Каментары