Па выніках апытання, праведзенага сацыялагічнай службай «Левада цэнтр», нелюбоў расіянаў да ЗША дасягнула ў маі гістарычнага максімуму: зараз 71% расіянаў заяўляюць, што дрэнна ставяцца да Амерыкі.
У пачатку 1990-х гадоў любоўю да ЗША не палалі менш за 10% грамадзян Расіі. З гадамі незадаволеных палітыкай Амерыкі расіянаў станавілася ўсё больш. Але з такім рэкордна высокім паказчыкам — у 71% — сацыёлагі сутыкнуліся ўпершыню.
«Антыамерыканізм працягвае расці, дасягнуўшы ў маі 2014 года гістарычнага максімуму: 71% ацанілі сваё стаўленне як «у асноўным дрэннае» або «вельмі дрэннае», — кажуць сацыёлагі.
На думку апытаных, ЗША (69%) і Украіна (30%) з'яўляюцца ў цяперашні час самымі варожа настроенымі да Расіі краінамі.
Згодна з вынікамі апытання, расце і негатыўнае ўспрыманне Еўрасаюза.
Затое Кітай за апошні год сталі ўспрымаць больш пазітыўна: 40% рэспандэнтаў лічаць Пекін найбольш блізкім саюзнікам Расіі (другім пасля Беларусі).
Цяпер чытаюць
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю1
Каментары