Пагроза прамой інтэрвенцыі расійскай арміі ва Украінe вырасла за апошнія некалькі дзён.
Пра гэта заявіў сёння прэм'ер-міністр Польшчы Дональд Туск, паведамляе агенцтва Reuters.com.
«У нас ёсць падставы падазраваць — мы атрымліваем такую інфармацыю на працягу апошніх некалькіх гадзін, што рызыка прамой інтэрвенцыі [расійскай арміі ва Украіну] значна вышэй, чым гэта было яшчэ некалькі дзён таму», — сказаў Туск на прэс-канферэнцыі.
«Калі дойдзе да прамой інтэрвенцыі расійскіх войскаў ва Украіну, гэта, відавочна, будзе якасна новая сітуацыя і, на мой погляд, ні ў кога сёння няма добрага, адназначнага адказу, як заходняя супольнасць павінна рэагаваць на гэта», — сказаў Туск.
Ён таксама адзначыў, што санкцыі, уведзеныя Еўрасаюзам у дачыненні да Расіі дорага абыдуцца эканоміцы Еўропы, аднак пры гэтым адзначыў, што адсутнасць рэакцыі на дзеянні РФ падчас крызісу ва Украіне будзе мець самыя «катастрафічныя» наступствы.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»22
Каментары