Прэм'ер-міністр Беларусі Андрэй Кабякоў занепакоены зніжэннем тавараабароту з Расіяй. Аб гэтым ён заявіў сёння на сустрэчы з намеснікам старшыні ўрада Расіі Аркадзем Дварковічам.
Адной з галоўных тэм сённяшняга абмеркавання стала гандлёва-эканамічнае супрацоўніцтва. Як канстатаваў Андрэй Кабякоў, узаемны тавараабарот Беларусі і Расіі апошнім часам прыкметна зніжаецца. «Так, за два месяцы гэтага года мы страцілі ў сярэднім недзе 35 працэнтаў тавараабароту», — адзначыў ён. Перш за ўсё гэта звязана з тым, што адбылася пэўная карэкцыя валютных курсаў.
Аднак нараўне з цэнавым назіраецца і скарачэнне фізічных аб'ёмаў. «А гэта вынік таго, што мы разам недзе недапрацоўваем», — лічыць кіраўнік беларускага ўрада.
У сувязі з гэтым Андрэй Кабякоў нагадаў, што Беларусь і Расія падпісалі сумесны план дзеянняў урадаў, які прадугледжвае дадатковыя меры развіцця гандлёва-эканамічнага супрацоўніцтва, накіраваны ў асноўным на максімальнае ўстараненне ўзаемных бар'ераў, што пакуль яшчэ існуюць.
У ходзе сустрэчы бакі абмеркавалі таксама іншыя пытанні, звязаныя з перспектывамі развіцця двухбаковага супрацоўніцтва, у тым ліку рэалізацыю знакавых інвестыцыйных праектаў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары