Мінгандлю збіраецца абараніць беларусаў ад рэкламы ў паштовых скрынях
Міністэрства гандлю Беларусі збіраецца абараніць грамадзян ад дакучлівай рэкламы — улётак, якія штодня раскідваюцца па паштовых скрынях. Пра гэта ў эфіры тэлеканала АНТ заявіла намеснік міністра гандлю Ірына Наркевіч:
«Мы пытанне ўжо прапрацавалі, нормы ў нас гатовы… Мы за забарону гэтай рэкламы. Спажывец павінен выбіраць, хоча ён гэты спам атрымліваць ці не. Аналагічныя забароны ў нас былі ўведзены ў рэкламе сотавых аператараў. Калі я не хачу па сотавым тэлефоне атрымліваць рэкламу, я падпісваюся: я не хачу! І ніхто не мае права мне навязваць, выбірае сам спажывец».
Паводле слоў Наркевіч, «усе органы прынялі ўзгодненае рашэнне» ў справе забароны рэкламы ў паштовых скрынях. Але калі забарона пачне дзейнічаць, пакуль невядома.
Дарэчы, пытанне «макулатуры» ў паштовых скрынях у апошнія гады неаднаразова ўздымалася ў СМІ. Адзін з дэпутатаў Палаты прадстаўнікоў заявіў, што інфармацыя ў рэкламных улётках можа быць непраўдзівай. Восенню мінулага года адбыўся кур'ёзны выпадак у Гомелі, калі ў адну паштовую скрыню было кінута 79 рэкламных улётак аб продажы акцый прадпрыемства. Цікава, што акцыі прадалі яшчэ за два месяцы да гэтага.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары