28 мая ў Белгародскай вобласці Расіі прайшла царкоўная служба з абразом «Маці Божая Дзяржаўная», на якой намаляваны Іосіф Сталін з савецкімі маршаламі вакол яго. Дадзенае паведамленне выклікала бурную рэакцыю ў СМІ. Белгародская мітраполія, каментуючы падзею, паведамляе наступнае.
«14 мая ў межах Белгародскай мітраполіі адбыўся пленум Саюза пісьменнікаў Расіі, удзел у якім прыняў пісьменнік, публіцыст і грамадскі дзеяч Аляксандр Праханаў. Аляксандр Андрэевіч унёс у залу пасяджэння выяву генералісімуса Сталіна ў атачэнні ваеначальнікаў, якую многія тут жа ахрысцілі «іконай», — паведамляецца на афіцыйным сайце мітраполіі.
— І хоць карціна напісаная ў «іканапісным стылі», усё ж, па шэрагу прычын, абразом яна лічыцца не можа. Па-першае, ніхто з намаляваных на ёй гістарычных персанажаў не прылічаны Рускай Праваслаўнай Царквой да ліку святых. Па-другое, некаторыя з персанажаў на дадзенай карціне былі адкрытымі ганіцелямі Царквы.
Карціна, напісаная па замове Ізборскага клуба мастакамі з горада Рыбінска, з'яўляецца своеасаблівым маніфестам і ілюстрацыяй ідэй так званай «грамадзянскай рэлігіі», якая супрацьстаіць аб'яўленай рэлігіі і Праваслаўнай царквы.
Што ж тычыцца згаданага набажэнства, то памінальную літыю здзейсніў «Афонскі іераманах Афінаген» (як яго прадстаўляюць), які з'яўляецца «кішэнным» іераманахам спадара Праханава і не належыць да кліру Белгародскай мітраполіі.
Дадзеная акцыя, праведзеная ў дні святкавання 70-годдзя Вялікай Перамогі на Трэцім ратным полі Расіі, не знайшла падтрымкі сярод удзельнікаў і гасцей урачыстасцяў, якія выказалі сваё здзіўленне і крыўду з нагоды навязвання ім псеўдарэлігійных поглядаў».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі77
Каментары