Акцыю праводзілі актывісты руху «Салідарнасць» каля станцыі метро «Сухараўская» у Маскве. Пра гэта ў сваім акаўнце ў Фэйсбукe паведаміла актывістка Ала Навумчава.
Паводле яе слоў, праціўнікі акцыі кідаліся «зялёнкай, яйкамі, дзярмом і мачой». Актывіста «Салідарнасці» Марка Гальперына збівалі, паваліўшы на зямлю (на фота). Паліцыянты, якія бачылі ўсё гэта, бяздзейнічалі.
Праўда, пазней былі затрыманыя пяцёра нападнікаў, у тым ліку лідэр прапуцінскай суполкі SERB Ігар Бекетаў, вядомы пад псеўданімам Гоша Тарасевіч. Іх адвезлі ў АУС «Краснасельскае» і адпусцілі без складання пратаколу. Каля дваццаці пацярпелых напісалі заявы ў паліцыю.
«Салідарнасць» рэгулярна праводзіць антываенныя пікеты ў Маскве. Акцыі праходзяць з красавіка 2014 года. Пікет каля «Сухараўскай» быў узгоднены са сталічнымі ўладамі.
Каментары