Гарачае надвор'е вернецца ў Беларусь у другой палове тыдня, паведаміў начальнік службы Белгідрамета Дзмітрый Рабаў.
У пачатку тыдня чакаецца ўмерана цёплае, свежае надвор'е, якое будзе вызначаць вобласць павышанага атмасфернага ціску, сфарміраваная ў свежым балтыйскім паветры, адзначыў сіноптык.
У аўторак пераважна без ападкаў, толькі па поўдні краіны адаб'ецца ўплыў малаактыўнага франтальнага раздзелу, у асобных раёнах чакаюцца невялікія кароткачасовыя дажджы. Тэмпература паветра ноччу плюс 5—11°С, у паўднёвых раёнах плюс 12—15°С; днём плюс 18—23°С, у Брэсцкай і Гомельскай абласцях да плюс 25°С.
У сераду пераважна без ападкаў. Тэмпература паветра ноччу ад плюс 5°С па поўначы да плюс 13°С па поўдні рэспублікі, днём плюс 16—22°С, па поўдні плюс 23—24°С.
«З чацвярга надвор'е зноў пачне мяняцца, паўночныя вятры памяняюцца на паўднёвыя.
Пачынаючы з паўднёвага захаду краіны будуць паступаць цяплейшыя паветраныя масы. Слупкі тэрмометраў ізноў вырастуць», — адзначыў Рабаў.
У чацвер без ападкаў. Тэмпература паветра ноччу плюс 3—10°С, днём ад плюс 19°С па паўночным усходзе да плюс 27°С па паўднёвым захадзе краіны.
У пятніцу ў асобных раёнах, галоўным чынам па паўднёвым захадзе краіны, кароткачасовыя дажджы, навальніцы. Тэмпература паветра ноччу плюс 5—12°С, па паўднёвым захадзе да плюс 14°С; днём плюс 23—29°С.
У выхадныя дні ў большасці раёнаў усталюецца гарачае надвор'е. У суботу месцамі, пераважна па паўночным захадзе краіны, кароткачасовыя дажджы, навальніцы.
Тэмпература паветра ноччу плюс 10—17°С, днём плюс 25—32°С.
У нядзелю праз Беларусь пройдзе малаактыўны атмасферны фронт, месцамі чакаюцца кароткачасовыя дажджы, навальніцы. Тэмпература паветра ноччу плюс 13—20°С, днём плюс 25—32°С, па паўночным захадзе плюс 21—24°С.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі46
Каментары