На закрыцці першага беларускага Oktoberfest’у 10 кастрычніка ў кавярні «Камарова village» зайграюць гурты «Тлушч», Pomidor/off i Dzieciuki.
10 кастрычніка ў Камарова будзе па-сапраўднаму горача. Свае драйвовыя сэты рыхтуюць вядучыя прадстаўнікі беларускай альтэрнатыўнай сцэны. Малады і амбітны панк-рок гурт «Тлушч» пакажа адмысловую праграму, з якой выступаў падчас мінулагодняга Oktoberfest у Hюрнбергу.
«Мы зайграем найлепшыя свае спевы – сумесь дыска, панку, ска і глэму ў гуку тлусцейшым за баварскія кілбаскі. Іх прыхільна прынялі нямецкія слухачы, а сёлета збіраемся павесяліць сваімі песнямі і землякоў», – кажа вакаліст гурту Павел Белы.
Поўны гук і адрыў абяцае і Аляксандр Памідораў, які ўжо ўдзельнічаў у Oktoberfest у Камарова з сваім блюзавым праектам «П’яныя госці» і дужа парадаваўся нязмушанай атмасферы свята. Цяпер музыка сыграе электрычны сэт з сваім асноўным гуртом – Pomidor/off, у які ўвойдуць найлепшыя нумары з альбомаў «Свята пакрадзенае» і «Патас/Попс/Прапаганда».
Стаўку на вясёлыя песні зробяць і госці з Гродна – фольк-панк гурт Dzieciuki, які завершыць сёлетні фестываль. «Сама імпрэза задае настрой нашаму сэту, так што сумна не будзе. Спадзяемся сярод іншага сыграць і наш кавер на песню «Streams Of Whiskey» гурта «The Pogues». Яе вольны пераклад для нас зрабіў паэт Андрэй Хадановіч. Песня не пра піва, але тэматыка зразумелая для ўсіх», – распавядае вакаліст гурта Алесь Дзянісаў.
Набыць квіток на канцэрт. Кошт – 200 000 (папярэдне), 250 000 (на ўваходзе).
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі65
Каментары