У сувязі з інцыдэнтам прадстаўнік кампаніі «Права выбару-2015» накіраваў дакладную запіску на імя старшыні гарадской выбарчай камісіі.
Сябра Мінскай гарадской выбарчай камісіі ад Партыі БНФ Зміцер Каспяровіч выкрыў маніпуляцыі з бюлетэнямі выбаршчыкаў. Ён вырашыў абысці ўчастковыя камісіі і зверыць колькасць выдадзеных бюлетэняў выбарцам і рэальную колькасць подпісаў выбарцаў, якія атрымалі бюлетэні і ўласнаручна распісаліся за іх у журнале.
Па стане на раніцу 8 кастрычніка на выбарчым участку №25 Савецкага раёна Мінска было выдадзена 146 бюлетэняў, аднак распісалася за бюлетэні ўсяго 109 чалавек.
На выбарчым участку №26 гэтага ж раёна Мінска быў выдадзены 351 бюлетэнь, аднак распісалася за іх — 162 выбаршчыкі.
Раніцай 9 кастрычніка на выбарчым участку №49 Савецкага раёна Мінска, за тры дні датэрміновага галасавання было выдадзена 308 бюлетэняў, аднак на раніцу ў журнале выдачы бюлетэняў было ўсяго 170 подпісаў выбаршчыкаў.
Адзін з каардынатараў кампаніі «Права выбару-2015» Дзяніс Садоўскі лічыць, што таму ўлада і не ўключае ў склад камісій рознага ўзроўню прадстаўнікоў дэмакратычных партый і арганізацый, каб было цяжэй ускрыць падобныя факты маніпуляцыі з бюлетэнямі для галасавання.
— Выяўленыя парушэнні сведчаць пра тое, што членамі ўчастковых выбарчых камісій штучна завышаецца яўка выбаршчыкаў і адбываецца ўкід бюлетэняў, — гаворыць Дзяніс Садоўскі.
У кампанію па назіранні за выбарамі «Права выбару-2015» уваходзяць восем арганізацый: Беларуская сацыял-дэмакратычная партыя (Грамада), Беларуская Хрысціянская Дэмакратыя, «Гавары праўду!», «Рух «За Свабоду!», Партыя БНФ, Беларуская партыя «Зялёныя», незалежны прафсаюз Радыёэлектроннай прамысловасці, аргкамітэт Партыі Свабоды і прагрэса.
Галоўнай мэтай кампаніі з’яўляецца абарона сапраўднага волевыяўлення грамадзянаў праз прадухіленне парушэнняў заканадаўства на ўсіх стадыях выбарчай кампаніі, фіксацыю парушэнняў і аператыўнае рэагаваньне на іх.
Цяпер чытаюць
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю1
Каментары