Да ўсіх аб’ектаў былі падключаныя сыстэмы жыцьцезабесьпячэньня — сьвятло, электрычнасьць і вада. Цяпер база можа прыняць наступную экспэдыцыю, якая збольшага ўжо будзе займацца навуковай працай.
Падрыхтоўка палявой базы Гара Вячэрняя да прыёму наступных дасьледчыкаў была галоўнай мэтай першай беларускай антарктычнай экспэдыцыі, якая цягнулася 102 дні — са студзеня па красавік.
Як паведаміў 15 траўня на прэс‑канфэрэнцыі кіраўнік экспэдыцыі Аляксей Гайдашоў, база Гара Вячэрняя належыць Расеі, але з 1993 года яна не эксплюатуецца. І таму прыйшла ў заняпад. Беларускія палярнікі ня толькі прыбралі сьмецьце — 12 тонаў, але і пераплянавалі частку памяшканьняў, а таксама зрабілі іх касмэтычны рамонт.
Да ўсіх аб’ектаў былі падключаныя сыстэмы жыцьцезабесьпячэньня — сьвятло, электрычнасьць і вада. Цяпер база можа прыняць наступную экспэдыцыю, якая збольшага ўжо будзе займацца навуковай працай.
Падрыхтоўка да новага падарожжа на поўнач ужо пачалася.
Паводле першага намесьніка міністра прыроды і навакольнага асяродзьдзя Аляксандра Апацкага, асваеньне Антарктыкі — гэта ня толькі навуковая праца, але і моцны палітычны фактар. Калі раптам тэрыторыя кантынэнту, які цяпер лічыцца нэйтральнай зонай, пачне дзяліцца паміж рознымі дзяржавамі, Беларусь захоча атрымаць і свой кавалак. Вядома, што ў нетрах Антарктыды шмат газу, нафты, вуглю, урану й іншых карысных выкапняў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі70
Каментары