Прэзідэнт Францыі Франсуа Алянд заявіў, што людзі, якія захапілі закладнікаў у Нармандыі, заявілі пра сваю прыхільнасць «Ісламскай дзяржавы». Яны крычалі «Алаху Акбар!»
Алянд назваў падзеі «гнюсным тэрактам», перадае BFM-TV.
«Пагроза застаецца вельмі высокай. Мы павінны весці вайну [супраць ІД] усімі сродкамі», — падкрэсліў Алянд.
Па дадзеных Le Point, мужчыны крычалі «Алаху Акбар!». The Telegraph са спасылкай на паліцыю, у сваю чаргу, піша, што перад тым, як перарэзаць горла святару, яны выкрыквалі назву «Ісламскай дзяржавы».
***
У аўторак двое ўзброеных мужчын захапілі закладнікаў у Сэнт-Эцьен-дзю-Руўры, у прыгарадзе Руана. Яны забілі 84-гадовага святара (па дадзеных Le Figaro, перарэзаўшы яму горла), пасля чаго іх застрэліла паліцыя.
Некалькі чалавек былі параненыя ў выніку атакі. Прадстаўнік МУС Францыі П'ер-Анры Брандэ казаў, што нападнікаў застрэлілі, калі тыя выйшлі з царквы. «Абодва злачынцы выйшлі на вуліцу і былі застрэлены спецназам», - сказаў Брандэ.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі69
Каментары