Урад Літвы прыняў рашэнне аб тым, што краіна возьме ўдзел у аднаўленні надмагільнага помніка вялікаму гетману літоўскаму, выдатнаму палкаводцу Канстанціну Астрожскаму.
На аднаўленне помніка ў Кіеве ўрад Літвы на пасяджэнні ў сераду дамовіўся вылучыць да 44 тысяч еўра.
Віцэ-міністр замежных спраў Нерыс Германас сказаў BNS, што дамовіліся і аб падтрымцы праекта ў будучыні.
«Мы цяпер гаварылі пра 2017 год — вылучыць да 44 тысяч еўра, а потым будзем сачыць, каб гэты праект быў рэалізаваны да 2020 года. Сутнасць сённяшняга рашэння — каб дзяржаўныя ўстановы Літвы прынялі палітычнае рашэнне аб падтрымцы гэтага праекта і па магчымасцях фінансавалі. У гэта будуць ўцягнутыя многія ведамствы, у прыватнасці, міністэрства абароны, культуры», — сказаў ён пасля заканчэння нарады.
Аб'яднаныя войскі Вялікага Княства Літоўскага і Каралеўства Польскага пад камандаваннем вялікага гетмана літоўскага Канстанціна Астрожскага ў верасні 1514 года ў ходзе маскоўска-літоўскай вайны 1512-1522 гг. у бітве пад Оршай атрымалі адну з самых буйных перамог часоў ВКЛ, адолеўшы праціўніка, які ўтрая пераўзыходзіў іх па колькасці.
Канстанцін Астрожскі пахаваны ва Успенскім саборы Кіева-Пячорскай лаўры. Пышнае надмагілле было разбурана разам з саборам 3 лістапада 1941 г.
Новы помнік плануецца размясціць на месцы ранейшага ў адноўленым у 2000 годзе саборы.
Чытайце таксама на сайце DELFI:
Што засталося ў Кіеве з часоў Вялікага Княства Літоўскага?
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі82
Каментары