Урады Францыі і Германіі абмяркоўваюць выбар адзінага тыпу індывідуальнай стралковай аўтаматычнай зброі для сваіх армій, паведамляе janes.com.
Гэтая тэма ў адносінах двух усё больш блізкіх па палітыцы краін Еўрасаюза ўзнікла яшчэ ў 2015 годзе, аднак перамовы былі прыпыненыя на перыяд, калі Францыя прымала канчатковае рашэнне пра набыццё новых аўтаматычных вінтовак Heckler & Koch 416.
Восенню гэтага года Францыя падпісала кантракт і стала другой краінай у свеце пасля Нарвегіі, якая зрабіла гэты ўзор зброі стандартным для сваіх пехацінцаў.
Цяпер Мінабароны Германіі паведаміла пра аднаўленне перамоў аб агульнай вінтоўцы ў снежні 2016 года. Краіны, імаверна, будуць распрацоўваць агульныя тэхнічныя патрабаванні да зброі і агульныя схемы правядзення конкурсаў і заключэння кантрактаў у ваеннай сферы.
Германія плануе пераўзброіць сваю армію новай індывідуальнай стралковай зброяй, пачынаючы з 2019 года, бо існуючая вінтоўка G36 выклікала шмат крытыкі.
Адзіныя патрабаванні і замовы могуць у будучыні заўважна скараціць выдаткі кожнай канкрэтнай краіны на распрацоўку і набыццё новай зброі. Такім шляхам у будучыні можа пайсці і Беларусь разам з яе суседзямі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі73
Каментары