Сын аднаго са стваральнікаў і віцэ-прэзідэнта Cirque du Soleil Жыля Сен-Круа памёр падчас няшчаснага выпадку на сцэне.
43-гадовы Аліўе Рашэ загінуў у аўторак, калі яго прыціснула на сцэне пад'ёмнай прыладай, піша Бі-бі-сі.
Рашэ быў тэхнічным работнікам, які рыхтаваў сцэну для спектакля Luzia ў Сан-Францыска.
«Аліўе заўсёды быў часткай нашай невялікай сям'і і любімым калегам», — сказаў выканаўчы дырэктар Cirque du Soleil Дэніэл Ламар.
Усяго некалькі дзён таму гімнастка і ўдзельніца Алімпійскіх гульняў Ліза Скінар, якая таксама выступала ў Cirque du Soleil, звалілася падчас выканання паветраных трукаў на спектаклі Kooza ў аўстралійскім Брысбэне.
У выніку ў яе зламаны хрыбетнік і рука. Гімнастку, па словах яе маці, чакаюць некалькі месяцаў лячэння. Стан Скінар ацэньваецца як стабільны.
Каментары