Уначы 22 красавіка невядомыя зламалі замак і вынеслі з гандлёвага павільёна ў Маскоўскім раёне Мінска электронныя цыгарэты і навушнікі на 770 рублёў. У злачынстве падазраюць школьнікаў, паведамляе ГУУС Мінгарвыканкама.
Па падазрэнні ў крадзяжы былі затрыманыя трое вучняў 7, 9 і 11-га класаў, якія жывуць у Фрунзенскім раёне. Падлеткі прызналіся ў зробленым, паведамляе міліцыя. У двух з іх дома знайшлі выкрадзеныя тавары.
Заведзена крымінальная справа па ч.2 арт. 205 Крымінальнага кодэкса (Крадзеж). Санкцыя артыкула — ад папраўчых работ і аж 4 гадоў пазбаўлення волі.
Акрамя таго, вырашаецца пытанне аб прыцягненні бацькі аднаго з школьнікаў да адміністрацыйнай адказнасці па ч.1 арт. 17.13 КаАП.
— Паколькі маладому чалавеку яшчэ не споўнілася 16 гадоў, ён не можа знаходзіцца па-за жыллём у начны час без суправаджэння бацькоў ці законных прадстаўнікоў, — патлумачыла афіцыйны прадстаўнік Маскоўскага РУУС Вольга Міхаленя.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі72
Каментары