Намеснік кіраўніка МЗС: Беларусь не нейкія там папрашайкі, якія хочуць ад ЕС толькі грошай
Еўропа павінна дакладна разумець, што Беларусь — гэта не нейкія там папрашайкі, якія хочуць атрымліваць толькі фінансаванне ад ЕС. Беларусь зацікаўлена ў двухбаковым супрацоўніцтве.
Пра гэта заявіў намеснік міністра замежных спраў Беларусі Алег Краўчанка на 4-м Форуме грамадзянскай супольнасці «Усходняга партнёрства», які праходзіць у Таліне, піша Tut.by.
— Беларусь гатовая паказаць, што ад супрацоўніцтва выйграюць абодва бакі. Як адзін з прыкладаў — уклад Беларусі ў бяспеку Еўропы: наша мяжа кантралюе пытанні наркотыкаў і зброі, якія могуць трапляць у Еўропу, — сказаў Краўчанка.
Паводле слоў намесніка міністра, Беларусь не разглядае «Усходняе партнёрства» як інструмент геапалітычнай барацьбы.
— Мы не робім выбар паміж Усходам і Захадам. З іншага боку, мы верым у дыялог Еўразійскага эканамічнага саюза з ЕС. Беларусь актыўна ўдзельнічае ва Усходнім партнёрстве, гэта залог паляпшэння нашых адносінаў з ЕС, - сказаў Алег Краўчанка.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі68
Каментары