Кніжная Шафа працягвае свае паэтычныя імправізацыі! Чарговыя «Вершы ў Шафе» адбудуцца 20 снежня а 19-й гадзіне пры любым надвор’і.
«…я чытаў яго кнігі і зараз пазыку вярну
і вось гэтую рыфму пакіну яму на паперцы
я куплю ў букініста гадзіну парыскага сну
а на болей ня хопіць ні грошай, ні часу, ні сэрца…»
Вырываем кавалачак з верша Андрэя Хадановіча невыпадкова. Бо менавіта гэты энергічны палымяны паэт стане галоўнай дзеючай асобай наступных «Вершаў у Шафе». Што значыць, вы зможаце не толькі злавіць кайф ад жывога паэтычнага слова, але і паразмаўляць з творцам ва ўтульным месцы. І як бонус — набыць яго кнігу «Цягнік Чыкага-Токіё» ды атрымаць аўтограф. Настойліва раім: не шкадуйце ні свайго сну, ні часу, ні сэрца (пра грошы казаць не выпадае, бо ўваход вольны)! Прыходзьце і адчуйце шал паэзіі, цеплыню ўсмешак і магію атмасферы.
Яшчэ сваю вершаваную творчасць згадзіліся прадставіць аўтары, якія пакуль невядомыя шырокай аўдыторыі. Цудоўны шанец пазнаёміцца бліжэй з маладой беларускай паэзіяй і паспрабаваць на смак радкі Ніны Лістоты і Цімура Буйко.
Чакаем! Уваход вольны!
Кніжна-выставачная прастора «Кніжная шафа», пр. Дзяржынскага, 9 (уваход са двара).
Тэл.:+375 (17) 234-48-64
Vel.: +375 (29) 645-20-55
Сябры, калі вы едзеце да нас на аўто, тэлефануйце — мы з радасцю падымем для вас шлагбаум і павітаем у Шафе.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі73
Каментары