«Я лепш звольнюся, чым надзену такую куртку» — жанчынам-кантралёрам не спадабалася іх новая форма
З 23 студзеня кантралёры «Мінсктранса» правяраюць аплату за праезд ва ўсіх відах грамадскага транспарта без спецыяльных камізэлек, піша «Транспартнік сталіцы».
Цяпер для працы кантралёры атрымалі сінія, зялёныя і шэрыя зімовыя форменныя курткі, вырабленыя на швейным участку рамонтна-механічнага завода.
Сярод мужчын незадаволеных формай практычна няма: курткі падышлі па памеры і паспяхова прайшлі выпрабаванне марозам. Хіба што ёсць адзінкавыя скаргі на якасць: зламаўся замок, адляцела кнопка, парвалася кішэня.
Але ў жанчын-кантралёраў прэтэнзій хапае. Пашытыя па мужчынскіх лекалах, на жаночых фігурах курткі не сядзяць, візуальна павялічваюць плечы і дадаюць аб'ёму.
«Я лепш звольнюся, чым надзену такую куртку», — ледзь не плакала кантралёр на дыспетчарскай станцыі «Малінаўка-4», калі паказвала ў тэлефоне здымкі сваіх няўдала апранутых калег.
Некаторыя паспрабавалі «падагнаць» форму пад сябе. Хтосьці ўшыў у рукавы і ніз курткі гумкі, хтосьці нашыў на капюшон футра.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»24
Каментары