Расія і Беларусь урэгулявалі сітуацыю з фальсіфікатам малочнай прадукцыі, заявілі ў прэс-службе віцэ-прэм'ера РФ Аляксея Гардзеева па выніках яго сустрэчы з беларускім калегам Міхаілам Русым.
Па выніках дадатковых праверак беларускай малочнай прадукцыі высветлілася, што неадпаведнасць стандартам не з'яўляецца крытычнай, тавар не ўяўляе пагрозы для здароўя грамадзян.
Адзначаецца, што Беларусь узгадніла з Расіяй рэестр прадпрыемстваў, якія маюць права на пастаўку адпаведных тавараў на расійскі рынак. Заключана пагадненне аб дадатковым тэхналагічным кантролі прадукцыі, якое дапоўніць дзейныя з сакавіка «дарожныя карты» па працэдуры зняцця ўзаемных абмежавальных мер па пастаўках прадукцыі жывёлагадоўлі.
Расія неаднаразова знаходзіла парушэнні ў малочных прадуктах, якія пастаўляюцца з Беларусі. Так, у сакавіку кіраўнік Мінсельгаса Аляксандр Ткачоў паабяцаў змагацца «да апошняга патрона» з малочным фальсіфікатам і ініцыяваў маштабную праверку на расійскім малочным рынку.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары