Міністр кібербяспекі Японіі прызнаўся, што ніколі не карыстаўся камп'ютарам
68-гадовы Ёшытака Сакурада — намеснік начальніка ўрадавага ўпраўлення па стратэгіі кібербяспекі, а таксама міністр, адказны за Алімпіяду 2020 года ў Токіа. 14 лістапада на пасяджэнні парламента Сакурада прызнаўся, з 25 гадоў займаўся выключна кансультаваннем і ніколі не дакранаўся да камп'ютараў, паведамляе The Guardian.
Выступ Сакурады выклікаў крытыку з боку апазіцыі.
Апазіцыйны дэпутат Масата Імай заявіў:
«Неверагодна, што той, хто не дакранаўся да камп'ютараў, нясе адказнасць за палітыку кібербяспекі».
Сакурада патлумачыў няўменне карыстацца камп'ютарам занятасцю ў маладосці.
Я ў маладосці ўпарта працаваў, быў моцна заняты і не паспеў асвоіць камп'ютар. Потым я вырас па службе і стаў сам даваць указанні супрацоўнікам і сакратарам. Мне няма чаго цяпер самому барабаніць па клавіятуры камп'ютара.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»24
Каментары