Аляксандр Лукашэнка лічыць спрэчкі па пытаннях беларуска-расійскага супрацоўніцтва, што ўзнікаюць на высокім узроўні, працоўнымі момантамі. Пра гэта ён заявіў сёння на сустрэчы з расійскімі журналістамі, перадае БелТА.
«Што тычыцца гарачых зачэпак, то якія б іскры ні ляцелі ў спрэчках на самым высокім узроўні, нават не спрабуйце раздзімаць з іх полымя. Гэта працоўныя моманты. У адносінах паміж нашымі краінамі яшчэ не было сітуацый, у якіх мы не знайшлі б кампрамісу», — сказаў кіраўнік дзяржавы.
Лукашэнка падкрэсліў, што Расія застаецца стратэгічным партнёрам і хаўруснікам Беларусі.
«Там жывуць проста нашы браты. Хто б яны ні былі: рускія, чачэнцы, інгушы, яўрэі… Гэта нашы браты, таму што ўчора мы жылі ў адной дзяржаве», — дадаў ён.
Цяпер чытаюць
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю1
Каментары