Аляксандр Лукашэнка сустрэўся сёння са старшынёй Цэнтрвыбаркама Лідзіяй Ярмошынай, перадае БелТА. Пытаннем для абмеркавання былі тэрміны правядзення выбараў.
«Мы ўжо дакладна вызначыліся, што ў бягучым годзе праводзім парламенцкія выбары, а ў наступным годзе - прэзідэнцкія, нягледзячы на прагнозы некаторых «знаўцаў» пра тое, што Лукашэнка ў гэтым годзе, паколькі ціха і спакойна, хуценька правядзе прэзідэнцкія выбары, каб зноў схапіць крэсла і сесці ў яго надоўга. Гэта поўная памылка. Як я і абяцаў, усё будзе па законе і ў рамках Канстытуцыі», - падкрэсліў Лукашэнка.
Тэрмін паўнамоцтваў у парламента і прэзідэнта заканчваецца ў адзін год - 2020 й. Закон не забараняе праводзіць гэтыя выбарчыя кампаніі адначасова.
Лідзія Ярмошына падчас сустрэчы прапанавала правесці выбары ў Савет Рэспублікі 7 лістапада, у Палату прадстаўнікоў - 17 лістапада.
Каментары