Дырэктар кіеўскага НДІ судовых экспертыз Аляксандр Рувін раскрыў падрабязнасці следчых дзеянняў, якія дазволілі вызначыць падазраваных у справе аб забойстве журналіста Паўла Шарамета. Пра гэта паведамляе УНІАН.
Па словах Рувіна, вызначаючы падазраваных, эксперты не кіраваліся іх знешнімі дадзенымі, якія можна змяніць. Замест гэтага яны паспрабавалі засяродзіцца на аспектах, якія нельга замаскіраваць.
«Але, вы павінны разумець, мы не вывучалі бараду. У нас былі экспертызы па хадзе чалавека. Брытанскі эксперт вывучаў толькі рух ног. Нашы эксперты таксама гавораць: гэта дакладна яго хада», — патлумачыў ён.
Раней праваахоўныя органы Украіны назвалі падазраваных у забойстве Шарамета. Як высветліла следства, у злачыннай групоўцы былі пяць чалавек: дзіцячы доктар Юлія Кузьменка, музыка Андрэй Антоненка, ваеннаслужачая Яна Дугар, а таксама ветэраны канфлікту на Данбасе Уладзіслаў і Іна Грышчанка.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі73
Каментары