Вайскоўцы ЗША страцяць магчымасць базавацца на Блізкім Усходзе. Гэта стане адказам Ірана на гібель камандзіра падраздзялення «Аль Кудс» Корпусу вартавых ісламскай рэвалюцыі Касема Сулеймані, заявіў прэзідэнт Ірана Хасан Раўхані, перадае Reuters са спасылкай на іранскае агенцтва Fars News.
Паводле яго слоў, ЗША змаглі прадухіліць дзейнасць Сулеймані. Яго гібель Раўхані параўнаў з «адразаннем рукі» генералу. Але ў адказ на гібель генерала Іран «адрэжа нагу» ЗША ў рэгіёне, прыгразіў ён.
У прыватнасці, у ноч на 8 студзеня Іран ужо нанёс удары па базах у Іраку, дзе раскватараваны амерыканскія вайскоўцы. Гэтыя ўдары сталі «аплявухай» ЗША, заявіў рэлігійны лідар Ірана аятала Хаменеі.
Але адных удараў недастаткова, лічыць аятала. Паводле яго слоў, амерыканскія войскі павінны пакінуць Блізкі Усход, бо трэба «пакласці канец прысутнасці Амерыкі ў рэгіёне».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі68
Каментары