Распачаўся збор сродкаў на святкаванне Дня Волі — 2020. Але адзначэнне мае адбыцца на тры дні раней
Аргкамітэт па правядзенні святкавання 102-х угодкаў абвяшчэння БНР, у які ўваходзіць БСДП, АГП, хрысціянскія дэмакраты і рух «За свабоду», абвяшчае пра пачатак збору сродкаў для арганізацыі мітынга-канцэрта ў сталіцы. Збор сродкаў будзе адбывацца на краўдфандынгавай платформе MOLAMOLA
Арганізатары маюць намер правесці мерапрыемства у нядзелю 22-га сакавіка напярэдадні святочнай даты, бо 25 сакавіка ў гэтым годзе выпадае на сераду.
Час і месца мітынга-канцэрта будуць вызначаны канчаткова пасля перамоваў з мінскім гарвыканкамам.
Складаецца праграма мерапрыемства, вырашаецца пытанне тэхнічнага аснашчэння пляцоўкі, а таксама ідуць перамовы з музычнымі гуртамі.
Таксама аргкамітэт заклікае далучацца да арганізацыі мітынга-канцэрта валанцёраў, якія жадаюць дапамагчы ў правядзенні святочнага мерапрыемства.
Арганізатары просяць высылаць свае прапановы наконт лагатыпу Дня Волі-102 да 15 лютага на адрас [email protected]. Пасля гэтай даты аргкамітэт вызначыць пад якім лагатыпам будзе адбывацца мерапрыемства.
Адзначаецца, што ў аргкамітэт па святкаванні БНР-102 уваходзіць большасць арганізацый-заяўнікаў канцэрта каля опернага тэатра ў Мінску ў 2018 г. і арганізатары мітынга-канцэрта ў Кіеўскім скверы ў Мінску ў 2019 г.
-
Ніводнага мінскага, гомельскага, італьянскага ці французскага. Затое ў Магілёве будуюць ужо чацвёрты расійскі дворык, гэтым разам — з мядзведзем
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі66
Каментары