Колькасць інфікаваных каранавірусам у Кітаі перавысіла 6 тысяч, памерлі 132 чалавекі
Колькасць заражаных пнеўманіяй, выкліканай каранавірусам 2019-nCoV, дасягнула 6 057 чалавек. Як гаворыцца ў апублікаванай у сераду раніцай заяве Дзяржаўнага камітэта па справах аховы здароўя КНР, колькасць смяротных зыходаў вырасла да 132, піша tass.ru.
Стан 1 239 інфікаваных ацэньваецца як цяжкі. Больш за 9,2 тысяч чалавек маюць сімптомы заражэння, аднак іх дыягназ пакуль не пацверджаны. У карантыне знаходзяцца яшчэ амаль 60 тысяч чалавек.
Больш за палову колькасці інфікаваных (3,5 тысяч заражаных і 125 смерцяў) прыпадае на правінцыю Хубэй, адміністрацыйны цэнтр якой — горад Ухань — з'яўляецца ачагом пашырэння эпідэміі. Далей ідуць правінцыі Гуандун (207 інфікаваных), Хэнань (206), Чжэцзян (173), Хунань (143) і горад цэнтральнага падпарадкавання Чунцын (132). Першы выпадак падазрэння на заражэнне каранавірусам быў зафіксаваны ў Тыбеце — апошнім са свабодных ад гэтага захворвання рэгіёнаў Кітая.
Маштабы пашырэння новага каранавіруса 2019-nCoV за месяц пераўзышлі ўспышку атыповай пнеўманіі (SARS), якая адбылася ў 2002-2003 гадах.
Колькасць заражаных атыповай пнеўманіяй з канца 2002 года па жнівень 2003 года склала 5 327 чалавек. 349 выпадкаў тады завяршыліся смяротным зыходам.
Нягледзячы на тое, што каранавірус з'яўляецца менш смяротным і заразным захворваннем, чым SARS, яго эпідэмію цяжэй лакалізаваць. У новай пнеўманіі, выкліканай каранавірусам 2019-nCoV, больш працяглы інкубацыйны перыяд — ад аднаго да 14 дзён, падчас якога інфекцыя ўжо здольная перадавацца.
У той жа час у лёгкай форме пнеўманіі новага тыпу яе сімптомы не выклікаюць моцнай боязі ў пацыента і медыкаў і вельмі падобныя да звычайнай прастуды — гэта насмарк, тэмпература, кашаль. Аднак нават у лёгкай форме захворванне перадаецца ад чалавека да чалавека.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі77
Каментары