Каранавірус выяўлены ў 15 расійскіх работнікаў на Астравецкай АЭС
Чуткі пра ўспышку каранавіруса сярод працаўнікоў Астравецкай АЭС хадзілі даўно.
Паводле афіцыйнай статыстыкі, у Гродзенскай вобласці з каранавірусам шпіталізавалі 11 чалавек. Гэта даныя на 8:00 8 красавіка.
Разам з тым Гродзенскі абласны аддзел здароўя 8 красавіка распаўсюдзіў наступную статыстыку:
«Лабараторна пацверджаны 15 выпадкаў каранавіруса ў грамадзян Расіі, якія прыбылі на АЭС у г. Астравец. Усе яны шпіталізаваныя, ізаляваныя. Клінічных праяў няма, праводзіцца эпідэміялагічнае расследаванне, цяпер вызначаюцца кантакты першага ўзроўню».
На сваёй прэс-канферэнцыі 8 красавіка міністр аховы здароўя таксама прызнаў наяўнасць каранавіруса на АЭС.
«У групы расійскіх будаўнікоў на БелАЭС, якія знаходзіліся на каранціне, паўторнае лабараторнае тэставанне дало станоўчы вынік, — казаў Уладзімір Каранік. — Іх шпіталізавалі, праводзіцца паглыбленае абследаванне».
Міністр адзначыў, што ўсе замежнікі праходзяць каранцін і тэсціраванне перад тым, каб быць дапушчанымі да працаў на АЭС.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары