Пад Стоўбцамі згубіўся чатырохгадовы хлопчык. Ён басанож прайшоў чатыры кіламетры
Пра выпадак напісаў тэлеграм-канал «Вышук. МУС».
Здарэнне адбылося позна вечарам 21 ліпеня ў в. Ражанка. У міліцыю звярнуліся родныя хлопчыка. Ён каля 22-й гадзіны пайшоў з дома. На пошукі былі кінутыя сілы міліцыі, ратавальнікаў валанцёраў і паляўнічых.
«Вышук. МУС»
Але знайшоў дзіця выпадковы мінак у суседнім Дзяржынскім раёне. Хлопчык знаходзіўся каля возера Паланевічы. Ён згубіў абутак, які пошукавыя атрады выявілі каля яго вёскі, і прайшоў басанож каля чатырох кіламетраў.
Мужчына адвёз дзіця ў бальніцу, адкуль пасля агляду яго забралі бацькі. З ім усё ў парадку.
Каментары