Праваабаронцы: 13 кастрычніка затрымалі 15 чалавек з ланцугоў салідарнасці
13 кастрычніка ў Беларусі працягваліся затрыманні актывістаў і ўдзельнікаў акцый пратэсту, паведамляюць праваабаронцы-вясноўцы.
Раніцай у Магілёве быў затрыманы палітык Уладзімір Шанцаў. Супрацоўнікі міліцыі заявіліся да яго проста дадому і запатрабавалі, каб ён праехаў з імі, нібыта «пагутарыць». У РАУС на яго хацелі скласці пратакол за акцыю 17 верасня, за якую яго раней ужо асудзілі. У выніку Шанцава адпусцілі без пратакола.
У Мінску днём каля Акадэміі навук супрацоўнікамі ў масках і форме без апазнавальных знакаў быў затрыманы супрацоўнік Інстытута гісторыі Уладзімір Шыпіла. Яго даставілі ў суд Першамайскага раёна і там асудзілі на 7 сутак арышту.
Таксама паведамляецца пра затрыманні ў сталіцы наступных людзей:
- Абрамчук Раман
- Гулідаў Уладзімір — затрыманы на праспекце Машэрава, дзе стаяў у ланцугу салідарнасці.
- Дубовік Дзмітрый
- Кашнікаў Алег
- Кулагіна Наталля — адпусцілі з РУУС Кастрычніцкага раёна
- Лысенка Данііл
- Нежавец Аляксандр
- Патапенка Дзмітрый
- Радзько Надзея
- Тараскевіч Дзмітрый — ЦІП на Акрэсціна
- Умецкі Максім — РУУС Фрунзенскага раёна
У Наваполацку ў гэты дзень былі затрыманы Капшуль Аляксандр, Печанегаў Дзмітрый, Бялоў Аляксандр. На ўсіх склалі пратаколы па арт. 23.34 КаАП за ўдзел у акцыі 11 кастрычніка. 14 кастрычніка мусіць адбыцца суд.
-
Ніводнага мінскага, гомельскага, італьянскага ці французскага. Затое ў Магілёве будуюць ужо чацвёрты расійскі дворык, гэтым разам — з мядзведзем
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі63
Каментары