Урачыстасці, у якіх возьмуць удзел кіраўнікі суседніх і скандынаўскіх краінаў, пройдуць 6 ліпеня.
Прэм'ер-міністр Беларусі Сяргей Сідорскі запрошаны на святкаванне 1000-годдзя Літвы.
Афіцыйнае запрашэнне паступіла ад кіраўніка літоўскага ўрада Андруса Кубілюса падчас сустрэчы двух прэм'ераў у Гродне 26 чэрвеня, паведаміла прэс-служба беларускага ўрада.
Урачыстасці пройдуць у Вільні 6 ліпеня. Паводле інфармацыі прэс-службы пасольства Літоўскай Рэспублікі ў Мінску, у іх плануюць узяць удзел
каралеўскія пары Нарвегіі і Швецыі, каралева Даніі, прэзідэнты Ісландыі, Латвіі, Польшчы, Украіны, Фінляндыі, легат папы рымскага, прэм'ер-міністр Эстоніі, старшыня Еўрапейскай Камісіі, міністр культуры Расіі.
Андрус Кубілюс таксама прапанаваў Сяргею Сідорскаму разгледзець магчымасць удзелу Беларусі ў святкаванні 600-годдзя Грунвальдскай бітвы, якое адбудзецца ў 2010 годзе. «Мы маглі б падумаць пра агульныя мерапрыемствы святкавання», — сказаў літоўскі прэм'ер-міністр.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі73
Каментары