«Самыя быццам бы прасунутыя, багаценькія — дзе яны апынуліся?» Лукашэнка выказаўся пра айцішнікаў
Аляксандр Лукашэнка зноў негатыўна выказаўся пра ПВТ і прыватных прадпрымальнікаў — гэтым разам на нарадзе па зменах у Грамадзянскі кодэкс.
«Мы стваралі IT-парк: «Ах, трэба, ах, добра!» — сказаў ён. — Так, ён адыграў сваю ролю. Мы вельмі ўдзячныя ўсім тым, хто працаваў і працуе ў IT-парку. Мы змаглі, адштурхнуўшыся ад іх, сёння мець айцішнікаў па ўсёй краіне: яны ўжо і на вытворчасці, і ў Міністэрстве абароны, і ў Акадэміі навук і гэтак далей».
«Але мы многія працэсы там выпусцілі. І што атрымалі: самыя быццам бы прасунутыя, самыя багаценькія і забяспечаныя — дзе яны апынуліся?
Другі прыклад — індывідуальныя прадпрымальнікі. Былы ўрад тут бегаў, крычалі «Ай-ай-ай» і «Ой-ой-ой». І што мы атрымалі? Гэта нам урокі».
Каментары