У 32 з 38 пранеслі муляжы зброі: міліцыя правяла маштабны эксперымент у ВНУ
Мінская міліцыя правяла маштабны эксперымент і высветліла: у многія ВНУ сілавікі ў цывільным спакойна траплялі ўнутр. Аб выніках пасяджэння Мінгарвыканкама па забеспячэнні бяспекі ў навучальных установах сталіцы распавяла ў сваім фэйсбуку прэс-сакратар урада Аляксандра Ісаева.
Як паведаміў першы намеснік начальніка ГУУС Мінгарвыканкама, начальнік міліцыі грамадскай бяспекі Ігар Прышчэпскі, міліцыя правяла маніторынг сістэм уваходнага кантролю ва ўстановах адукацыі Мінска, перш за ўсё ў ВНУ і сярэднія спецыяльныя навучальныя ўстановы.
Прычым нават у тых з іх, дзе ўсталяваныя турнікеты, працуюць відэакамеры, супрацоўнікам органаў (не ў форме) удавалася бесперашкодна не толькі трапляць унутр устаноў, але і праносіць з сабой муляжы агнястрэльнай зброі.
У 38 будынках ВНУ былі зробленыя такія спробы, у 32 з іх прадметы былі пранесеныя бесперашкодна. У тым ліку на 13 аб'ектах — макеты агнястрэльнай зброі.
«Можна хоць сто камер усталяваць і турнікетаў, але пакуль не выпрацаваны алгарытм, натрэніраваны персанал, эфекту не будзе, — падсумаваў Раман Галоўчанка. — Таму па ВНУ і ССНУ, якія ў найбольшай групе рызыкі, трэба паўторна адпрацаваць. Калі пасля падобных фактаў не будзе наведзены парадак — тады прабачце… Гэтага ніхто не зразумее».
-
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю
-
Пасол Украіны па пытаннях Беларусі: «Пазіцыя Ціханоўскай дакладна не пацыфісцкая»
-
Ці могуць мінскія школьнікі бясплатна карыстацца грамадскім транспартам падчас летніх канікул?
Каментары