Што адбывалася 11 лістапада на беларуска-польскай мяжы? Сабралі галоўную інфармацыю
Па ацэнках Памежнага камітэта, цяпер у лагеры бежанцаў на беларуска-польскай мяжы знаходзіцца прыкладна 3000 мігрантаў, з іх 500 дзяцей.
Жыхарам лагера падвезлі некалькі машын дроў, каб яны не высякалі дрэвы для вогнішчаў у навакольных лясах. Таксама невялікія фургоны прывезлі запасы харчу.
Польскае выданне Oko.pl напісала, што ў лагеры мігрантаў ад пераахаладжэння памёр 14-гадовы хлопчык. У Памежным камітэце абверглі гэтую інфармацыю.
Лагер бежанцаў наведаў прадстаўнік ААН у Беларусі Мулусеу Мамо, ён прапанаваў мігрантам папрасіць часовага прытулку ў Мінску або добраахвотна вярнуцца дадому.
Амбасада Ірака ў Маскве паведаміла, што арганізуе эвакуацыю сваіх грамадзян з Беларусі.
Меркель зноў пазваніла Пуціну для абмеркавання мігранцкага крызісу ў Беларусі.
У Мінздароўя пацвердзілі, што цяжарная бежанка з лагера на мяжы страціла дзіця.
Пад пагрозай магчымых санкцый кампанія Turkish Airlines паведаміла, што перастане вазіць у Мінск грамадзян Ірака, Сірыі і Емена.
Матэрыялы журналістаў «Нашай Нівы» па тэме:
«Самі падышлі і прапанавалі 500 даляраў». Таксісты расказваюць, як падвозяць мігрантаў да мяжы
«Нас вельмі шмат, і ідуць яшчэ». Што расказаў курд з лагера мігрантаў на беларуска-польскай мяжы
Цяпер чытаюць
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю1
Каментары