Пракуратура Віцебскай вобласці расследавала крымінальную справу ў дачыненні да намесніка кіраўніка філіала Транспартнай інспекцыі па Віцебскай вобласці Міністэрства транспарту Федчанкава. Ён быў абвінавачаны паводле артыкула 430 КК РБ «Атрыманне хабару».
Следства ўстанавіла, што Федчанкаў са снежня 2006 года па снежань 2008 года неаднаразова атрымліваў хабар ад грамадзян і прадстаўнікоў прыватных прадпрыемстваў за выкананне ў іх інтарэсах загадзя незаконных дзеянняў, якія ён здзяйсняў з выкарыстаннем сваіх службовых паўнамоцтваў.
У прыватнасці, за 300 даляраў ён дапамог паскорыць рэгістрацыю аўтамабілю ў якасці таксі і выдачу ліцэнзійнай карткі без тэхагляду, за 700 даляраў выдаў фіктыўныя даведкі, неабходныя для прадастаўлення ў віцебскае ДАІ, за 1500 даляраў не прыняў мер па выяўленні парушэнняў транспартнай дзейнасці ў адным з мясцовых прыватных прадпрыемстваў.
Усяго за 2 гады ён атрымаў хабар на агульную суму 3900 даляраў ЗША і 300 еўра.
Як паведамляе прэс‑служба Генпракуратуры, судом Кастрычніцкага раёна г. Віцебска Федчанкаў асуджаны на 6 з паловай гадоў пазбаўлення свабоды з канфіскацыяй маёмасці.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі68
Каментары