Паводле інфармацыі нямецкага выдання Welt am Sonntag, нямецкія фірмы пастаўлялі ў Расію прадукцыю падвойнага прызначэння і пасля анэксіі Крыма, нягледзячы на абмежаванні Еўрасаюза. Так, у 2020 годзе яны паставілі Расіі такіх тавараў на 366 млн еўра, піша Deutsche Welle.
Газета Welt am Sonntag піша пра гэта са спасылкай на закрыты дакумент Міністэрства эканомікі. Паводле яго, нямецкае Федэральнае ведамства эканомікі і экспартнага кантролю (BAFA)
яшчэ ў 2020 годзе выдала 673 ліцэнзіі на экспарт у Расію тавараў, якія могуць быць выкарыстаныя і ў ваенных мэтах, на суму амаль 366 млн еўра.
Па звестках выдання, нягледзячы на тое, што пасля расійскай анэксіі Крыма ў 2014 годзе ЕС зрабіў куды больш жорсткімі крытэрыі для экспарту ў Расію тавараў, выкарыстанне якіх можа быць як грамадзянскіх, так і ваенных мэтах,
Расійская Федэрацыя ў 2020 годзе была на чацвёртым месцы па аб'ёме закупак такіх тавараў з Германіі — пасля Кітая (1,6 млрд еўра), ЗША (1 млрд) і Бразіліі (371 млн).
Такім чынам, Расія была больш важнай краінай прызначэння тавараў падвойнага прызначэння, чым, напрыклад, Францыя (274 млн еўра) і тым больш Украіна (усяго 17 млн).
Якія менавіта тавары пастаўляюцца Расіі, практычна нічога не вядома, піша Welt am Sonntag. Аднак у апошнія гады ўжо вяліся спрэчкі аб пастаўках з Германіі збедненага ўрана, які, на думку экспертаў, Расія можа выкарыстоўваць пры вытворчасці ўзбраення.
Праўда, за апошнія гады ў Германіі было заведзена некалькі крымінальных спраў у сувязі з парушэннем абмежаванняў ЕС на экспарт тавараў і тэхналогій падвойнага прызначэння ў Расію. Каб абыйсці яго і ўвесці ў зман нямецкіх мытнікаў, экспарцёры паказвалі ў суправаджальных дакументах у якасці пакупніка падкрэслена грамадзянскія фірмы. Гаворка ішла, у прыватнасці, пра пастаўкі спецыяльных металаапрацоўчых станкоў, прыдатных для вытворчасці ракетнай тэхнікі.
Чытайце таксама:
Замежнікі з'язджаюць, але Захад не губляе надзеі на дыпламатычнае вырашэнне ў апошні момант. Што вядома пра магчымы напад Расіі на Украіну?
На зброю ад немцаў украінцам разлічваць не варта, але крэдыт ім дадуць. Пра што дамовіліся міністры ў Кіеве
Канцлер Нямеччыны: У выпадку агрэсіі супраць Украіны Расію чакаюць вельмі жорсткія санкцыі
Міністр абароны Латвіі: Палітыка Германіі ў дачыненні да Расіі не ўпісваецца ў наш час
Цяпер чытаюць
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю1
Каментары