Суд Маскоўскага раёна Брэста разгледзеў справу Андрэя Барысюка, якога абвінавачваюць у здзяйсненні злачынства па арт. 369 КК РБ «Абраза прадстаўніка ўлады», паведамляе «Вясна».
Згодна з матэрыяламі справы, Барысюк у адной з сацсетак напісаў абразлівы каментар у адрас Лідзіі Ярмошынай, якая займала тады пасаду старшыні Цэнтральнай выбарчай камісіі.
Пра які менавіта каментар ідзе гаворка, не паведамляецца. Аднак нібыта праведзеная лінгвістычная экспертыза ўстанавіла, што ў ім змяшчаецца «выяўленае ў непрыстойнай форме выказванне, што прыніжае гонар і годнасць пацярпелай».
Суддзя Марыя Аліфярук прызнала Барысюка вінаватым і прысудзіла яму два гады «хіміі».
Цяпер чытаюць
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю1
Каментары