Фестываль мастацтваў «ДАХ‑9» збярэ пад адным дахам жывапіс, фота, перформанс, музыку, відэа‑арт і іншыя віды мастацтва.
Міжнародны фестываль мастацтваў «ДАХ‑9» збярэ пад адным дахам жывапіс, фота, перформанс, музыку, відэа‑арт і іншыя віды мастацтва.
Пра гэта паведамілі на прэс‑канферэнцыі 19 жніўня яго ідэйныя натхняльнікі і каардынатары Дзмітрый Юркевіч (Мітрыч) і Алесь Родзін (Дзю).
На працягу шасці тыдняў, з 25 жніўня па 20 верасня, у рэспубліканскай мастацкай галерэі «Палац мастацтва» будуць прадстаўленыя персанальныя і групавыя праекты вядомых і пачынаючых беларускіх аўтараў, а таксама работы іх калег з Германіі, Нарвегіі, Італіі, Польшчы, Украіны, Расіі, Галандыі, Японіі, ЗША і Ізраіля. Штотыдзень будуць змяняцца экспазіцыі пластычных мастацтваў, праводзіцца канцэрты, спектаклі, паэтычныя выступленні, відэапаказы, лекцыі, майстар‑класы і іншыя акцыі, якія пазнаёмяць гледачоў з творчасцю мастакоў, якія працуюць у розных жанрах, кірунках і стылях.
У пастаяннай экспазіцыі на час правядзення фестывалю будзе прадстаўлены маштабны арт‑праект «Ахвяры Мастацтва».
Фестываль праводзіцца пры падтрымцы Беларускага саюза мастакоў і берлінскага мастацкага цэнтра «Тахелес».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі68
Каментары