Беларуская ўлада прызвычаілася хлусіць свайму народу нават у дробязях. Падставай для чарговай хлусні стала паездка Лукашэнкі ў Сочы.
Беларуская ўлада прызвычаілася хлусіць свайму народу нават у дробязях. Падставай для чарговай хлусні стала паездка Лукашэнкі ў Сочы.
Паводле версіі прэзідэнцкай прэс‑службы, кіраўнік дзяржавы накіраваўся з рабочым візітам у Расію, дзе правядзе найбліжэйшыя некалькі дзён. Падставай для гэтага стала запланаваная сустрэча з прэзідэнтам Расіі Дзмітрыем Мядзведзевым.
Аднак любы ахвотны можа высветліць на сайце кіраўніка Расійскай Федэрацыі, што Мядзведзеў 24 жніўня знаходзіўся ва Улан‑Удэ, а 25‑26‑га наведае з афіцыйным візітам Манголію.
Між тым, Аляксандр Лукашэнка паехаў у Сочы пры канцы мінулага тыдня. Як паведаміў «Ведомостям» памочнік расійскага прэзідэнта Сяргей Прыходзька,
кіраўнік Беларусі ўвесь гэты час будзе адпачываць, бо да канца жніўня знаходзіцца ў адпачынку.
Навошта хлусіць наконт «рабочага візіту»? Чаму не сказаць прама, што кіраўнік дзяржавы, як і любы працоўны, мае права на адпачынак, які зараз і рэалізуе?
Гэта ўжо трэцяя сёлета «камандзіроўка» Аляксандра Лукашэнкі на курорт. Нядаўнія «рабочыя візіты» кіраўніка Беларусі ў Сербію і Арменію праходзілі па тым жа сцэнары: шмат адпачынку і крыху‑крыху працы.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»19
Каментары