Ціханоўская: Што б ні было пазначана ў мабілізацыйных позвах — не выконвайце таго, што там напісана
«Не дайце скарыстацца вамі». Святлана Ціханоўская звярнулася да беларусаў наконт магчымай мабілізацыі. Лукашэнка неаднаразова падкрэсліваў, што ў Беларусі мабілізацыя праводзіцца не будзе. Ціханоўская заявіла, што не верыць абяцанням Аляксандра Лукашэнкі і заклікала адмаўляцца ад выканання адпаведных прадпісанняў.
«З 24 лютага ідзе вайна: Расія напала на Украіну, знішчаючы і акупуючы ўкраінскія гарады, забіваючы мірных жыхароў. У Расіі пачалася мабілізацыя — гэта знак, што Крамлю не ўдалося выканаць свой жахлівы план па знішчэнні Украіны. Яны не могуць адступіць, і цяпер будуць ахвяраваць яшчэ большай колькасцю чалавечых жыццяў.
Лукашэнка сказаў, нібыта ў Беларусі мабілізацыі не будзе. Але ўлічваючы ўсё, што ён зрабіў да гэтага — яму ўжо ніхто не верыць. І не проста так. Беларусам ужо пачалі прыходзіць позвы з так званымі «мабілізацыйнымі прадпісаннямі». Калі вам ужо прыйшла такая, што б ні было ў ёй пазначана — вучэнні, мабілізацыя, прызыў — не выконвайце таго, што там напісана.
Беражыце сябе і родных. Не паддавайцеся на хлусню і маніпуляцыі. Я кажу гэта не толькі як палітык. Я жанчына, я маці. Я ведаю цану чалавечага жыцця і ведаю, як сціскаецца сэрца, калі твае любімыя людзі не ў бяспецы. Паклапаціцеся пра сябе і блізкіх. Бо мае рацыю заўсёды той, хто абараняе сваю сям'ю і дом», — сказала Ціханоўская.
-
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю
-
Пасол Украіны па пытаннях Беларусі: «Пазіцыя Ціханоўскай дакладна не пацыфісцкая»
-
Ці могуць мінскія школьнікі бясплатна карыстацца грамадскім транспартам падчас летніх канікул?
Каментары