Учора, 21 студзеня, на волю з бабруйскай калоніі выйшаў палітвязень Алег Мазгоў, цалкам адбыўшы тэрмін. Агулам Алег адбыў у зняволенні 1 год 11 месяцаў і 8 дзён, паведамляе «Вясна».
Спачатку Алега Мазгова асудзілі да трох гадоў «хіміі» па ч. 1 арт. 342 КК за тое, што 9 жніўня 2020 года ён стаяў у счэпцы і выкрыкваў лозунгі.
Але 6 красавіка мінулага года суд Мазырскага раёна прыняў рашэнне аб узмацненні палітвязню рэжыму і пераводзе яго з «хіміі» ў папраўчую калонію на 9 месяцаў і 17 дзён. Падставай для ўзмацнення сталі чатыры «парушэнні правіл унутранага распарадку ва ўстанове», адно з якіх было ў тым, што Алег нібыта не павітаўся з супрацоўнікам «хіміі».
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»21
Каментары