У Minecraft правялі першамайскі мітынг ля помніка Жырыноўскаму. Там збілі «амапаўца» і «Пуціна»
Прыхільнікі расійскай партыі ЛДПР зладзілі на серверы гульні першамайскую дэманстрацыю каля помніка Жырыноўскаму. Але без боек не абышлося.
Скрын тэлеграм-канала SOTA
Гіганцкі помнік у Minecraft пабудавалі да дня нараджэння Уладзіміра Жырыноўскага 25 красавіка.
На мітынг, як кажа партыя ЛДПР, прыйшло 12 тысяч гульцоў. Праўда, карэспандэнт пецярбургскага выдання «Фантанка» адзначае, што той сервер разлічаны максімум на 100 карыстальнікаў.
Як вынікае са скрыноў, прыйшлі не толькі прыхільнікі партыі. Там былі камп'ютарныя пратэстоўцы са сцягам і гербам Украіны на аватары.
У сацсетках жартуюць, што ў гульні праўкраінскія актывісты збілі персанажаў, падобных да Пуціна і амапаўца.
Скрын з твітара «Здесь Шепелин»
Каментары
Беларусы бярыте прымер))