Мінчука асудзілі на два з паловай гады калоніі за перасылку відэа вайсковай тэхнікі
У Мінскім абласным судзе асудзілі палітзняволенага Андрэя Рамановіча паводле ч. 1 арт. 361-4 (садзейнічанне экстрэмісцкай дзейнасці). Суддзя Анжаліка Данілава прызначыла Андрэю два гады і шэсць месяцаў пазбаўлення волі ў калоніі ва ўмовах агульнага рэжыму, піша «Вясна».
Палітвязня абвінавацілі ў тым, што ён 18 сакавіка 2022 года ў Івацэвіцкім раёне зняў на тэлефон перамяшчэнне беларускай вайсковай тэхнікі і даслаў відэа ў адну з тэлеграм-групаў, прызнаных «экстрэмісцкімі» матэрыяламі. Андрэй цалкам прызнаў віну і раскаяўся ў здзейсненым.
Мабільны тэлефон мужчыны канфіскавалі як «сродак здзяйснення злачынства».
Андрэю 35 гадоў, ён жыве ў Пінскім раёне.
Падтрымайце палітвязня: СІЗА-1. 220030, г. Мінск, вул. Валадарскага, 2, Андрэй Анатольевіч Рамановіч.
Каментары