Апытанне: 45% беларусаў, якія з'ехалі ў Польшчу, плануюць там застацца
Асноўнай прычынай, якая падахвоціла беларусаў, што ў Польшчы, з'ехаць са сваёй краіны, стаў страх перад рэпрэсіямі (86%).
45% беларусаў, якія з'ехалі ў Польшчу, плануюць там застацца. Пра гэта сведчаць звесткі апытання «Беларуская эміграцыя ў Польшчы», праведзенага Цэнтрам дыялогу імя Юліюша Мерашэўскага, паведамляе «Позірк».
Асноўнай прычынай, якая заахвоціла беларусаў, што знаходзяцца ў Польшчы, з'ехаць са сваёй краіны, стаў страх перад рэпрэсіямі (86%).
Для паловы рэспандэнтаў Польшча — краіна, дзе «жыццё ў цэлым лепшае, чым у Беларусі».
22% рэспандэнтаў гатовыя вярнуцца ў Беларусь, калі дазволіць сітуацыя, 28% не вызначыліся з планамі.
73% заяўляе, што асноўную частку часу па-за домам яны бавяць з іншымі беларусамі.
Большасць апытаных лічаць, што беларуская мова павінна быць адзінай афіцыйнай мовай у Беларусі. 52% упэўненыя, што гэта трэба зрабіць як мага хутчэй.
76% лічаць, што Польшча захоўвае сяброўскае стаўленне да Беларусі. Апытаныя лічаць яе найбольш прыхільнай сярод суседзяў (самай недружалюбнай лічаць Расію (61%)).
Арганізатары апытання адзначаюць, што мелі справу падчас апытання «з супольнасцю эмігрантаў з выразнымі, цалкам адназначнымі поглядамі, для якіх няма месца ў сучаснай беларускай дзяржаве».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі72
Каментары