Яны адправіліся з Хайфы на Кіпр, а адтуль змогуць паляцець дадому.
Улады ЗША зафрахтавалі для эвакуацыі сваіх грамадзян, якія знаходзяцца ў Ізраілі, карабель, які забраў іх з порта Хайфы і адправіўся на Кіпр. Адтуль пасажыры змогуць вылецець дадому, бо большасць рэйсаў з аэрапорта Тэль-Авіва адмененыя, паведамляе тэлеканал «Дождь».
У нядзелю амбасада ЗША ў Ізраілі папярэдзіла грамадзян, што пасадка на карабель пачнецца а 8 раніцы панядзелка і паабяцала дапамогу тым, у каго ўзніклі праблемы з амерыканскімі дакументамі.
Рэйс не бясплатны: перад пасадкай пасажыры падпісвалі пагадненне аб кампенсацыі выдаткаў ураду ЗША. Дабрацца да Хайфы грамадзянам ЗША трэба было самастойна — амбасада папярэджвала, што паездкі па краіне ажыццяўляюцца «на свой страх і рызыку».
Чакаецца, што пераход карабля ў кіпрскі Лімасол зойме каля 10-12 гадзін.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі73
Каментары