У Расіі спынілі продаж мінералкі «Джэрмук». У адной з бутэлек гэтай мінеральнай вады аказаўся воцат, у выніку чаго памёр жыхар Уладзікаўказа — сталіцы рэспублікі Паўночная Асеція — Аланія.
Пра прыпыненне продажу некалькіх партый мінеральнай вады «Джэрмук» заявілі ў прэс-службе Расспажыўнагляду.
Такое рашэнне прынялі пасля таго, як 65-гадовы жыхар Уладзікаўказа, выпіўшы мінералкі, атрымаў апёк стрававода. У бутэльцы выявілі воцат, заявіў 12 лютага кіраўнік Паўночнай Асеціі Сяргей Мяняйла.
13 лютага мужчына, які атруціўся, памёр у бальніцы, паведаміў Мяняйла.
Між тым у розніцу ў рэгіёны Расіі паступіла 2,5 мільёна бутэлек «Джэрмука» гэтай партыі.
Сапраўдная мінеральная вада «Джэрмук» разліваецца ў Арменіі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі67
Каментары