У Мінску прадаюць аднапакаёвую кватэру ўсяго за $15 тысяч. Прытым усё сумленна
У Партызанскім раёне, недалёка ад станцыі метро «Трактарны завод» за 48 000 рублёў, ці 15 тыс. умоўных адзінак, прапануюць аднапакаёўку плошчай 30 квадратных метраў, заўважыў «Анлайнер».
Жыллё знаходзіцца ў цагляным пяціпавярховіку на вуліцы Перадавой, якая сціпла прыстроілася паміж завадскімі карпусамі і чыгункай, дзе рэгулярна курсуюць цягнікі.
Набыць гэтую сталічную кватэру можна на асаблівых умовах: па дамове пажыццёвага ўтрымання.
Падобныя аб'екты, па словах рыэлтараў, разлятаюцца на рынку нерухомасці як гарачыя піражкі.
«Гаспадар аднапакаёўкі на вуліцы Перадавой — 52-гадовы мужчына — хварэе на алкагалізм і найбліжэйшыя два гады жыць у кватэры не будзе, — расказвае агент. — Гэта значыць, пасля куплі будучы ўладальнік «квадратаў» можа свабодна ў ёй знаходзіцца. Па дамове новы ўласнік абавязаны будзе кожны месяц пералічваць на рахунак рэнтаатрымальніка 120 рублёў (3 базавыя) і аплачваць «камуналку».
У кватэры ёсць рамонт, устаноўленыя шклопакеты і металічныя дзверы. Балкон і падвальнае памяшканне таксама маецца.
Інфраструктура ў гэтым раёне даволі развітая: у крокавай даступнасці знаходзяцца школа, дзіцячы садок, крама і прыпынак грамадскага транспарту.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»25
Каментары